L'é borlada zo.
La piö olta,
la piö gròsa.

Per quase sent'agnn
la gh'a facc de nì
a tance oselì

L'era le,
slongada zo
en agonea söl rnarciape.

l'a dacc alegria
e l'a abelit
ol vial de S. Pelegrì!...

Strümit, ol vial,
el s'é fermàt
el büligaa gnà foia.

Adess la gh'é piö,
l'é morta!...
L'é sparida l'ombra

I l'a rasgada sö
söbét a tòch,
ü muntù de legna

No gh'e resta
che de scoldà,
co la sò legna,

“U tantì de rispét”
dighe me
”‘N po de pietà.”

‘n dü gran camì
l'anima e ol corp
di so paisà
de S. Pelegrì...

Dopo töt, la s'è
lasada ‘ndà rispetusa
sensa copà persuna!...

Mario Giupponi
luglio 2004