Töcc i gh'à ü sito per quietà i passiù:
ergü i l'la sìrca in giro per ol mónt
per mé l'è assé fà ü salt sura ol Linsù
o sö in Valcava ardàga a l'orizónt.
In sima a 'sto balcù de la natüra
a s'pöl signà, quando gh'è pròpe ciàr,
söi mucc, i lach, ol vért de la pianüra
ricamàt de paìs di Alpi al mar.
Di ólte ol mar a l'gula pròpe ché
e l'se traestéss de nìole de bombàss:
là sóta sgrìsoi, nebia, invece mé
a góde ü mónd celèst col cör in pàs...
E spète i prime ombre de la sira
i sime de lontà i me par fiamèle
e l'anima incantada la respira
l'amùr che s'próa denàcc ai robe bèle.
Ma contra ol cél a l' crèss di ròs de antène:
per oselàm i dóvra i tlevisiù...
I è piö i bèi tép del Pìstol, gliùra i pène
a i a lassàa i ciüicì söl bachetù.
Gh'è la montagna piena de feride
i la desferà del töt chèi del cimènt
ma turne a sircà ol sul sö i tò salide
che i tóca i corde del mé sentimènt.
Amìs, stì próncc col vì piö bù e sincér:
del Fausto, in Cantinèta o in Funivia
a m'fà la cüra contra i bröcc pensér
con méla sbaracade in alegrìa...
Se i àgn i me dà sö öna mà de grìs
e l' tèp a l' gula ivià sensa emossiù
Valcava l' resta ol pòst indóe impienìss
del ritmo giöst de l'òm e di stagiù... |
Tutti hanno un sito in cui quietare le passioni:
alcuni lo cercano in giro per il mondo
a me basta fare un salto sul Linzone
o su in Valcava guardare l'orizzonte.
In cima a questo balcone della natura
ci si può affacciare, quando è proprio chiaro,
sui monti e sopra il verde della pianura
ricamato di paesi dalle Alpi al mare.
A volte il mare vola proprio qui
e si traveste di nuvole di bambagia
là sotto brividi, nebbia, invece io
mi godo un mondo celeste con il cuore in pace...
E aspetto le prime ombre della sera
le cime da lontano mi sembrano fiammelle
e l'anima incantata respira
l'amore che si prova di fronte alle cose belle.
Ma contro il cielo crescono stormi di antenne
per uccellarci usano le televisioni
non sono più i bei tempi del Pìstol, allora le penne
le lasciavano le cince sulle bacchette da vischio.
C'è la montagna piena di ferite
la sfasceranno del tutto quelli del cemento
ma torno a cercare il sole su queste salite
che toccano le corde dei miei sentimenti.
Amici, state pronti col vino migliore e sincero:
dal Fausto, in Cantinetta o in Funivia
facciamo la cura contro i brutti pensieri
con mille sbicchierate in allegria...
Se gli anni ci danno una passata di grigio
e il tempo vola via senza emozioni
Valcava resta il posto in cui riempirsi
del ritmo giusto dell'uomo e delle stagioni. |
